VIDEO: უპირატესობა გაანიავეს - ტორონტოს 9-მატჩიანი მოგებათა სერია შარლოტმა შეუწყვიტა
30 ნოე, 2025 · 0 წთ წასაკითხად
ლინკის დაკოპირება
-
Aa
+
ფონტის ზომა
სანდრო მამუკელაშვილის ტორონტო რეპტორსმა 9-მატჩიანი მოგებათა სერია შარლოტში, იქაურ ჰორნეთსთან შეწყვიტა. კანადელები, ოვერტაიმის შედეგად, 111:118 დამარცხდნენ.
შეხვედრის პირველ ტაიმში უპირატესობას რეპტორსი ფლობდა და ანგარიშშიც მუდმივად წინ იყო, მე-4 მეოთხედის შუაშიც 12-ქულიანი სხვაობით იგებდნენ, თუმცა ჰორნეთსმა თამაშის დაქაჩვა შეძლო და ჯერ ოვერტაიმში გადაიყვანა, იქ კი 14:7 გაიმარჯვა და სეზონში მე-6 გამარჯვება იზეიმა.
მატჩის საუკეთესო მოთამაშე მაილს ბრიჯისი (35 ქულა, 3 მოხსნა) გახლდათ, ტორონტოელთა მხრიდან კი სკოტ ბარნსი (30 ქულა, 12 მოხსნა, 5 ასისტი), ბრენდონ ინგრამი (22 ქულა, 6 მოხსნა, 4 ასისტი) და იმანუელ ქვიქლი (22 ქულა, 3 მოხსნა, 10 ასისტი) გამოირჩნენ.
ნორმალური სტატისტიკა ჰქონდა მამუსაც, რომელმაც 19:13 წუთი ითამაშა და საკუთარ გუნდს 13 ქულა და 3 მოხსნა შესძინა. 8-დან 4 ორქულიანი, 2-დან 1 სამქულიანი და 2-ვე საჯარიმო ჩააგდო.
ტორონტომ 9-თამაშიანი მოგებათა სერია შეწყვიტა და გაუშვა შანსი, კონფერენციის ლიდერ დეტროიტთან კვლავ 1 მოგებაში დარჩენილიყო.
1-ელი დეკემბრის 03:00 საათზე, აღმოსავლეთ კონფერენციის მეორე-მესამე ადგილზე მყოფი გუნდები, ნიუ იორკ ნიქსი და ტორონტო რეპტორსი, ერთმანეთს მედისონ სქუეარ გარდენში შეხვდებიან.
