ვინ არის ნინა დრამა, რომელიც საქართველოს დვალიშვილთან ერთად ეწვევა?

UFC 316-ზე შონ ო'მალისთან ქამრის დაცვის შემდეგ, მერაბ დვალიშვილი საქართველოში ჩამოდის. მასთან ერთად ჩვენს ქვეყანას ცნობილი ინფლუენსერი ნინა დრამა ეწვევა.

მანქანა საქართველოში ბრუნდება

ნინა მარი დანიელი, იგივე ნინა დრამა საზოგადოებისთვის ცნობილი თავისი სამოდელო კარიერით, იუმორისტული ხასიათის კონტენტითა და სპორტული ჟურნალისტიკით არის ცნობილი.

ნინა დრამას ამ მომენტისთვის ინსტაგრამზე - 3.6 მილიონი, ტიკტოკზე - 5.1 მილიონი, იუთუბზე კი 1.6 მილიონი გამომწერი ჰყავს. სწორედ ამდენ ადამიანს მისწვდება საქართველოში მისი ვიზიტის კადრები და კონტენტი, რომელსაც ის თავის გვერდებზე განათავსებს.

ნინასა და UFC-ის ურთიერთობა 2022 წელს დაიწყო, როცა მებრძოლებთან ერთად სახალისო ვიდეოებისა და ინტერვიუების ჩაწერა დაიწყო. ამ კონტენტმა კი პოპულარობა მაშინვე მოიტანა, განსაკუთრებით MMA-ის ახალგაზრდა გულშემატკივრებში.

საბოლოოდ ნინას ეს ყველაფერი დაუფასდა და 2024 წელს MMA Awards-ის ცერემონიაზე Personality of The Year-ის ჯილდო მიიღო.

ნინა დრამა მერაბ დვალიშვილთან და მის მწვრთნელ ჯონ ვუდთან ერთად საქართველოს 11 ივნისს ეწვევა.

ჯონ ვუდი - სახელი, რომელსაც მებრძოლები ენდობიან