ვინ გახდება მუნდიალის საუკეთესო ახალგაზრდა? - ექსპერტთა პროგნოზი

მსოფლიო ჩემპიონატის მეოთხედფინალების პარალელურად, ტურნირის საუკეთესო ახალგაზრდა ფეხბურთელის ნომინაციაზე ბრძოლა პიკს აღწევს.

ბუკმეკერებმა ფავორიტების ათვლა დაიწყეს:

5. ჟოან მანზამბი (შვეიცარია) : ტურნირის ნამდვილი აღმოჩენა 3 გატანილი გოლით. თუმცა, მან ვარჯიშზე ტრავმა მიიღო და კითხვის ნიშნის ქვეშაა მისი თამაში არგენტინასთან.

4. პაუ კუბარსი (ესპანეთი) : ესპანეთის დაცვის ხაზი მუნდიალზე საოცრად თამაშობს. კუბარსიმ ზედიზედ 6 მშრალი მატჩის შენარჩუნებაში მიიღო მონაწილეობა და აიმერიკ ლაპორტთან ერთად დაცვის ცენტრს აკონტროლებს.

3. აიუბ ბუადი (მაროკო): მაროკოს ნაკრების ნახევარდაცვის ბურჯი. ბრაზილიასთან მატჩის საუკეთესო ფეხბურთელი გახდა და გუნდს ნიდერლანდების ტურნირიდან გაგდებაში დაეხმარა.

2. დეზირე დუე (საფრანგეთი): ნორვეგიასთან მატჩის გმირი გახდა, პარაგვაისთან კი შეცვლაზე შევიდა და პენალტი გამოიმუშავა, რომელიც კილიან მბაპემ გაიტანა. მისი აგრესიული თამაში და კრეატივი საფრანგეთისთვის უმნიშვნელოვანესია.

1. ლამინ იამალი (ესპანეთი): მთავარი ფავორიტია, თუმცა მიმდინარე ტურნირზე ჯერჯერობით მხოლოდ 1 გოლი გაიტანა საუდის არაბეთთან. პორტუგალიასთან მერვედფინალში ნუნო მენდეშმა მისი შეჩერება შეძლო, მაგრამ იამალი მაინც პირველ პოზიციას ინარჩუნებს.

გერმანელი ლენარტ კარლი, რომელიც ფავორიტთა შორის მოიაზრებოდა, მუნდიალს ტრავმის გამო გამოეთიშა.