"ვიცით, რომ წარსულში შეცდომები დავუშვით" - ამორიმი რონალდუს კომენტარზე

რუბენ ამორიმს კრიშტიანო რონალდუს მიერ მანჩესტერ იუნაიტედზე გაკეთებული კომენტარის შეფასება სთხოვეს.

„მან იცის, რომ ყველაფერს, რასაც ამბობს, უზარმაზარი გავლენა აქვს. ჩვენ, როგორც კლუბმა, ვიცით, რომ წარსულში ბევრი შეცდომა დავუშვით. ახლა ვცდილობთ, ეს შევცვალოთ. მოდი, არ გავამახვილოთ ყურადღება იმაზე, რაც უკვე მოხდა.

ჩვენ მომავალზე უნდა ვიყოთ კონცენტრირებულები. ყურადღება უნდა მივაქციოთ იმას, როგორ ვმოქმედებთ ახლა.

ბევრ რამეს ვცვლით - სტრუქტურას, იმას, თუ როგორ უნდა იქცეოდნენ ფეხბურთელები, უკეთესები ვხდებით. მოდი, ცოტა ხნით დავივიწყოთ წარსული.“ - განაცხადა პორტუგალიელმა სპეციალისტმა.

მანჩესტერის კრიტიკა, ხელის თხოვნა და მილიარდერობა, როგორც ოქროს ბურთი - რონალდუს ინტერვიუ [ნაწილი 1]