ზაბიტ მაგომედშარიპოვის ბრუნდება

ზაბიტ მაგომედშარიპოვი აქტიურ შეჯიბრებებს უბრუნდება, თუმცა ამჯერად მხოლოდ გრეპლინგის წესებით.

ყოფილი UFC-ის ვარსკვლავი, რომელმაც კარიერა 2022 წელს შოკისმომგვრელად, 18-1 ბალანსით დაასრულა, 5 ივლისს მოსკოვში რაულ როსას უმცროსს დაუპირისპირდება. ეს იქნება ზაბიტის პირველი საჯარო გამოსვლა 2019 წლის ნოემბრის შემდეგ.

ზაბიტის ძმამ, PFL-ის მებრძოლმა ხასან მაგომედშარიპოვმა, რომელიც სან-დიეგოში გამართულ ტურნირზე ჯოშუა უიმსის დამარცხებით დაბრუნდა, თავისი ძმის ფორმაზე ისაუბრა.

ხასანის განცხადებით, ზაბიტი ამჟამად ფიზიკურად იმაზე უკეთეს მდგომარეობაშია, ვიდრე მაშინ იყო, როდესაც ოქტაგონზე აქტიურად გამოდიოდა. მიუხედავად ასეთი ოპტიმისტური შეფასებისა, ხასანი ხაზს უსვამს, რომ ეს არ ნიშნავს ზაბიტის დაბრუნებას MMA-ში.

მისივე თქმით, ზაბიტი კარიერას ოფიციალურად დასრულებულად მიიჩნევს, თუმცა გრეპლინგის შეჯიბრებებში მონაწილეობას, საინტერესო შემოთავაზების შემთხვევაში, კვლავ განიხილავს.