გიორგი წიტაიშვილი მეცის იანვრის თვის საუკეთესო მოთამაშედ დასახელდა.
ფრანგული კლუბის შვიდიანმა ეს ჯილდო ზედიზედ მეორედ დაიმსახურა. ქართველი თვის საუკეთესოდ დეკემბერშიც დაასახელეს.
წიტაიშვილმა იანვრის ნომინაციაზე ჟესი დემინგეს, გოტიე ჰეინსა და ჯონათან ფიშერს აჯობა.
ლიგა 1-ის მიმდინარე სეზონში გიორგის ანგარიშზე 2 გოლი და 1 საგოლე გადაცემაა. მეცი კი 12 ქულით სატურნირო ცხრილის ბოლო ადგილზეა.
შეგახსენებთ, რომ ფრანგულ კლუბს ახლახანს გიორგი ქვილითაიაც შეუერთდა, რომელიც წიტაიშვილთან და გიორგი აბუაშვილთან ერთად მეცში კიდევ ერთი ქართველი იქნება.
