ნიდერლანდური გრანდი პსვ ეინდჰოვენი ერედივიზიის ჩემპიონი ზედიზედ მე-3 სეზონში და კლუბის ისტორიაში 27-ედ გახდა.
ეს მას შემდეგ, რაც ფეიენოორდმა ვოლენდამს ვერ მოუგო, რის შედეგადაც პსვ-ს 17-ქულიანი უპირატესობა მეტოქისთვის მიუწვდომელი გახდა.
პსვ-მ უტრეხტს სანახაობრივ მატჩში 4-3 მოუგო, რამაც პიტერ ბოშის გუნდი ტიტულისკენ კიდევ ერთი დიდი ნაბიჯით მიაახლოვა.
იმისთვის, რომ ჩემპიონობა უკვე ამ შაბათ-კვირას გაეფორმებინათ, პსვ-ს სჭირდებოდა, რომ ფეიენოორდს სტუმრად ვოლენდამთან ქულები დაეკარგა. რობინ ვან პერსი და მისი ფეიენოორდი პსვ-ს „დაეხმარა“, როცა ვოლენდამში 0-0 ითამაშა, რითაც ეინდჰოვენელები 27-ედ გააჩემპიონა.
თუნდაც ფეიენოორდს მოეგო, პსვ-ს უპირატესობა მაინც 15 ქულა იქნებოდა დარჩენილი 5 ტურის წინ, თანაც ეინდჰოვენელებს მნიშვნელოვნად უკეთესი ბურთების სხვაობა ექნებოდათ (+42 მინიმუმ +22-ის წინააღმდეგ).
პსვ-ს ისტორიაში ეს უკვე მეორე შემთხვევაა, როდესაც კლუბმა ზედიზედ 3 ან მეტი ტიტული მოიგო. იან რეკერმა და გუს ჰიდინკმა 1986-დან 1989 წლამდე ოთხი ტიტული ზედიზედ მოიპოვეს, ევროპის თასის (ჩემპიონთა თასი) ისტორიული მოგებიდან ერთი წლის შემდეგ.
2005-დან 2008 წლამდე პსვ-მ კვლავ ზედიზედ 4-ჯერ მოიგო ლიგა, ამჯერად სეფ ვერგოსენის, რონალდ კუმანისა და კვლავ გუს ჰიდინკის ხელმძღვანელობით.
