ნიდერლანდების ნაკრების მთავარმა მწვრთნელმა ჩავიმ ერთა ლიგაზე გერმანიასთან 0:5 მარცხის შემდეგ უკმაყოფილება ვერ დამალა და გუნდის თამაშს სამარცხვინო უწოდა.
„ფეხბურთელებს ვესაუბრე, რათა გამეგო, რა მოხდა. პირველ რიგში, გულშემატკივრებს ბოდიში უნდა მოვუხადოთ. არც თამაში გვიჩვენებია და არც ხასიათი. ეს ჩემთვის გაუგებარია.
საბერძნეთთან ისტორიული მატჩი ჩავატარეთ, დიდი ინტენსივობითა და ვნებით ვითამაშეთ. დღეს კი ყველაფერი პირიქით იყო. შესაძლოა, იმიტომ, რომ აქ ახალი მოსული ვარ და ფეხბურთელებს ჯერ კარგად არ ვიცნობ.
იმედგაცრუებული და გაოგნებული ვარ. დღემდე ჩემი ფეხბურთელებით ვამაყობდი, მაგრამ დღევანდელმა მატჩმა შოკში ჩამაგდო.
გასახდელშიც ზუსტად იგივე ვთქვი. მომხდარს ვერ შევეგუებით. დღეიდან ბევრი რამ უნდა შევცვალოთ. ეს სირცხვილი იყო“, - განაცხადა ჩავიმ NOS-თან საუბარში.