ზივზივაძის სატრანსფერო ღირებულება გაორმაგდა

Transfermarkt-ზე ბუდუ ზივზივაძის სატრანსფერო ღირებულება შეიცვალა. 6 ივნისის მონაცემებით ქართველი თავდამსხმელის ფასი 900 ათასი ევრო იყო, ახალი მონაცემებით კი ბუდუს ღირებულება 1.8 მილიონი ევროა.

შესაბამისად 30 წლის მოთამაშის სატრანსფერო ღირებულება გაორმაგდა, ეს კი ამ მხრივ მის კარიერაში ყველაზე მაღალი მაჩვენებელია. ქართველი ასევე კარლსრუეს ყველაზე ძვირადღირებული ფეხბურთელიც გახდა.

ზივზივაძეს გერმანიის ბუნდესლიგა 2-ში ჩატარებული 6 ტურის შემდეგ 6 გოლი და 1 საგოლე გადაცემა აქვს და ჩემპიონატის ბომბარდირთა დავას ერთპიროვნულად ლიდერობს.

ამ მომენტისთვის Transfermarkt-ის სატრანსფერო ღირებულებით ბუდუ საქართველოს ნაკრებში მე-11 ადგილზეა.

1. ხვიჩა კვარაცხელია - 80 მლნ. ევრო

2. გიორგი მამარდაშვილი - 45 მლნ. ევრო

3. გიორგი მიქაუტაძე - 20 მლნ. ევრო

4. ოთარ კიტეიშვილი - 5 მლნ. ევრო

5. ირაკლი აზაროვი - 5 მლნ. ევრო

6. საბა ლობჟანიძე - 3 მლნ. ევრო

7. ზურიკო დავითაშვილი - 3 მლნ. ევრო

8. გიორგი ქოჩორაშვილი - 2.5 მლნ. ევრო

9. გიორგი ჩაკვეტაძე - 2.5 მლნ. ევრო

10. გიორგი გოჩოლეიშვილი - 2.5 მლნ. ევრო

11. ბუდუ ზივზივაძე - 1.8 მლნ. ევრო