VIDEO: 50 ათასი ქულა კარიერაში - ლებრონ ჯეიმსის მორიგი რეკორდი

NBA-ს რეგულარული სეზონის მატჩში ლოს ანჯელეს ლეიკერსი ნიუ ორლეანს პელიკანსს დაუპირისპირდა და 136-115 დაამარცხა.

გამარჯვებულ გუნდს უკვე ტრადიციულად ლებრონ ჯეიმსმა და ლუკა დონჩიჩმა ულიდერეს. მეფემ 34 ქულა, 8 მოხსნა და 6 შედეგიანი გადაცემა მიითვალა, სლოვენიელმა კი 30 ქულა, 8 მოხსნა და 15 შედეგიანი გადაცემა.

ლებრონ ჯეიმსი NBA-ს ისტორიაში გახდა პირველი მოთამაშე, რომელმაც 50 ათასი ქულა (რეგულარულსა და პლეიოფში) დააგროვა.

ჯეიმსი და დონჩიჩი გახდნენ ლეიკერსის ისტორიაში პირველი დუეტი, რომელთაც ერთ მატჩში 30 ქულაზე მეტი და 5 სამქულიანზე მეტი მიითვალეს.

ზოგადად ლოს ანჯელესური გუნდი მშვენიერი ფორმაშია, მათ ბოლო 20 მატჩიდან 17 მოიგეს, პელიკანსთან შეხვედრა კი ზედიზედ მე-7 მოგება იყო.

ლეიკერსი 60 თამაშში 39 მოგებით დასავლეთ კონფერენციაში მე-2 ადგილზეა.