VIDEO: ბარსელონამ ატლეტიკოსთან მნიშვნელოვანი 3 ქულა მოიპოვა

ლა ლიგაში ბარსელონამ კამპ ნოუზე ატლეტიკოს უმასპინძლა.

მატჩში ანგარიში მე-19 წუთზე ალექს ბაენამ გახსნა, თუმცა 26-ე წუთზე რაფინიამ ანგარიში გაათანაბრა.

36-ე წუთზე რობერტ ლევანდოვსკის ბარსელონას წინ გაყვანა შეეძლო, მაგრამ პოლონელმა პენალტი ძალიან ცუდად დაარტყა და პირველი ტაიმი 1-1 დასრულდა.

65-ე წუთზე მასპინძლები დანი ოლმომ დააწინაურა, რომელმაც გოლის დროს ტრავმა მიიღო და მისი შეცვლა გახდა საჭირო. შეხვედრის ბოლოს, კომპენსირებულ დროში ფერან ტორესმაც გამოიჩინა თავი და თამაშს წერტილი დაუსვა (3-1).

ჰანსი ფლიკის გუნდმა მნიშვნელოვანი 3 ქულა მოიპოვა და ლა ლიგაში 37 ქულა დაუგროვდა, ლაივ ცხრილში რეალთან სხვაობა 4 ქულაა.

19' ბაენა 0-1

26' რაფინია 1-1

36' ლევანდოვსკის პენალტი

65' ოლმო 2-1

90+6' ფერანი 3-1