NBA-ის რეგულარული სეზონის მორიგ მატჩში ჩიკაგო ბულსი ლოს ანჯელეს ლეიკერსს დაუპირისპირდა და 118-129 დამარცხდა.
გამარჯვებულ გუნდს ლუკა დონჩიჩმა ულიდერა, რომელმაც 46 ქულა, 11 შედეგიანი გადაცემა და 7 მოხსნა დააგროვა. სლოვენიელმა 14-დან 8 სამქულიანი და 11-დან 7 ორქულიანი ჩააგდო, მისი 12 საჯარიმოდან კი 8 ზუსტი იყო.
46 ქულა, 11 ასისტი, 7 მოხსნა და 8 სამქულიანი - აქამდე ასეთი რიცხვები ერთ მატჩში მხოლოდ ჯეიმს ჰარდენს (2016) ჰქონდა დაფიქსირებული.
დონჩიჩი გახდა NBA-ის ისტორიაში მე-3 მოთამაშე, რომელმაც გუნდში ჩატარებულ პირველ 65 მატჩში 2000 ქულის დაგროვება შეძლო (უილტ ჩემბერლენი, უოლტ ბელამი).
ასევე აღსანიშნავია, რომ ამ სეზონში მეორედ ლუკა დასავლეთ კონფერენციის კვირის მოთამაშედ დასახელდა.
ლეიკერსი 45 მატჩში 28 მოგებით დასავლეთ კონფერენციაში მე-5 ადგილზეა, ჩიკაგო კი 46 შეხვედრაში 23 გამარჯვებით აღმოსავლეთში მე-9 პოზიციას იკავებს.
