VIDEO: მაკრატელა ბოლო წუთზე - კოსტულასის ბრწყინვალე გოლი ბორნმუთთან

ინგლისის პრემიერ ლიგის 22-ე ტურში ბრაიტონმა საკუთარ მოედანზე ბორნმუთი მიიღო და ქულა ბოლო წუთზე მოიპოვა.

32-ე წუთზე ანგარიში მარკუს ტავერნიემ პენალტის საშუალებით გახსნა და ალუბლებმა პირველი ტაიმი მოიგეს.

ბორნმუთი 3 ქულის აღებასთან ახლოს იყო, თუმცა მატჩის კომპენსირებულ დროში ხარალამპოს კოსტულასმა ბრწყინვალე მაკრატელა დარტყმით ანგარიში გაათანაბრა და თოლიებს ქულა მოუპოვა.

ამ მატჩის შემდეგ ბრაიტონი 30 ქულით მე-12 ადგილზეა, ბორნმუთი კი 27 ქულით მე-15 პოზიციას იკავებს.