VIDEO: მოგებათა სერია დასრულდა - მანჩესტერმა ლონდონიდან ქულა წაიღო

ინგლისის პრემიერ ლიგის 26-ე ტურის მატჩში ვესტ ჰემმა ლონდონში მანჩესტერ იუნაიტედს დაუპირისპირდა.

შეხვედრის პირველი ტაიმი უგოლოდ დასრულდა, მეორე ტაიმში კი ანგარიში სწრაფი გოლით გაიხსნა.

50-ე წუთზე ჯაროდ ბოუენის პასის შემდეგ მასპინძლები ტომას სოუჩეკმა დააწინაურა. 63-ე წუთზე მანჩესტერს ანგარიშის გათანაბრება შეეძლო, თუმცა კაზემიროს გოლი თამაშგარე მდგომარეობის გამო არ ჩაითვალა.

ვესტ ჰემი 3 ქულის მოპოვებასთან ახლოს იყო, თუმცა შეცვლაზე შემოსულმა ბენიამინ შეშკომ კომპენსირებულ დროში ეფექტური გოლით ანგარიში 1-1 გახადა და მაიკლ კერიკის გუნდს ქულა მოუპოვა.

ამით მანჩესტერ იუნაიტედის მოგებათა სერია დასრულდა და გუნდმა ზედიზედ მე-5 მატჩში გამარჯვება ვერ მოახერხა, თუმცა წაუგებელი სერია გრძელდება.

წითელი ეშმაკები სატურნირო ცხრილში 45 ქულით მე-4 ადგილზე არიან და მდევარ ჩელსის 1 ქულით უსწრებენ, რომელმაც ასევე დაკარგა ქულები. ვესტ ჰემი კი 24 ქულით მე-18 ადგილზეა და გასავარდნ ზონაში რჩება, უსაფრთხო ზონასთან ჩამორჩენა კი 2 ქულაა.

50' სოუჩეკი 1-0

90+6' შეშკო 1-1