VIDEO: ზედიზედ მე-4 მოგება - მანჩესტერმა ოლდ ტრაფორდზე ტოტენჰემი დაამარცხა

ინგლისის პრემიერ ლიგის 25-ე ტურში მანჩესტერ იუნაიტედმა ოლდ ტრაფორდზე ტოტენჰემი მიიღო.

29-ე წუთზე ლონდონელები რთულ ვითარებაში ჩავარდნენ. კაზემიროს წინააღმდეგ უხეში თამაშის გამო კრისტიან რომერომ მსაჯისგან პირდაპირ წითელი ბარათი დაიმსახურა და სტუმრები 10 კაცით დარჩნენ.

38-ე წუთზე მანჩესტერმა კუთხური ეფექტურად გაითამაშა და კობი მეინუს პასის შემდეგ ანგარიში ბრაიან მბიუმომ გახსნა, რითიც იუნაიტედმა პირველი ტაიმი მოიგო.

81-ე წუთზე მაიკლ კერიკის გუნდმა უპირატესობა კიდევ უფრო გაზარდა. დიოგუ დალოს საჯარიმოში ჩაწოდების შემდეგ ბენჟამინ შეშკომ დარტყმა ვერ მოახერხა, თუმცა ბურთი ბრუნო ფერნანდეშს მიუვიდა, რომელმაც ვიკარიოს კარის აღება მოახერხა და მატჩის საბოლოო ანგარიში 2-0 დააფიქსირა.

მანჩესტერ იუნაიტედმა პრემიერ ლიგაში ზედიზედ მე-4 მატჩი მოიგო და 44 ქულით სატურნირო ცხრილში მე-4 პოზიციას იკავებს. ამ ტურის სხვა შედეგების მიუხედავად, გუნდს ოთხეულში ყოფნა გარანტირებული აქვს.

38' მბიუმო 1-0

81' ბრუნო 2-0