მსოფლიოს საკალათბურთო ნაკრებები პარიზის ოლიმპიადისთვის მზადებას აგრძელებენ და ამხანაგურ მატჩებს მართავენ.
ამჟამად ერთმანეთს აშშ-სა და სერბეთის ნაკრებები დაუპირისპირდნენ. აშშ-მ მეტოქეს 26 ქულით აჯობა, საბოლოო ანგარიში კი 105-79 დაფიქსირდა.
ამერიკელთა მხრიდან სასტარტო შემადგენლობაში კარი, ემბიდი, ჰოლიდეი, ჯეიმსი და ტეიტუმი იყვნენ, სერბებიდან კი ავრამოვიჩი, დობრიჩი, გუდურიჩი, იოკიჩი და პეტრუშევი.
გამარჯვებულ გუნდს სტეფ კარიმ ულიდერა, რომელმაც პარკეტზე 21 წუთი გაატარა და 24 ქულა ჩააგდო, მან 9-დან 6 სამქულიანი გამოიყენა ზუსტად.
ასევე გამორჩეულები იყვნენ ბემ ადებაიო (17 ქულა) და ენტონი ედვარდსი (16 ქულა), სერბებს კი, რა თქმა უნდა, ნიკოლა იოკიჩმა ულიდერა, რომელმაც ორმაგი დუბლიც დააფიქსირა - 16 ქულა, 11 მოხსნა, თუმცა დენვერ ნაგეთსის ლიდერის ეს მცდელობა ვარსკვლავური აშშ-ს წინააღმდეგ საკმარისი არ აღმოჩნდა.
აშშ-სა და სერბეთის ნაკრებები ერთმანეთს ოლიმპიადის ჯგუფურ ეტაპზეც დაუპირისპირდებიან. ეს მატჩი 28 ივლისს გაიმართება.
