VIDEO: რონალდუსა და ფელიქსის დუბლები - პორტუგალიამ სომხეთი გაანადგურა
06 სექ, 2025 · 0 წთ წასაკითხად
ლინკის დაკოპირება
-
Aa
+
ფონტის ზომა
2026 წლის მსოფლიო ჩემპიონატის საკვალიფიკაციო ეტაპზე პორტუგალიის ნაკრებმა პირველი მატჩი გამართა.
რობერტო მარტინესის გუნდი სომხეთს ესტუმრა და მასპინძელი გუნდი 0-5 გაანადგურა.
ანგარიში მე-10 წუთზე ჟოაო ფელიქსმა გახსნა, 21-ე წუთზე სხვაობა ორამდე კრიშტიანუ რონალდუმ გაზარდა, 32-ე წუთზე კი ჟოაო კანსელმა 0-3 გახადა ანგარიში და პირველი ტაიმის ანგარიში დააფიქსირა.
მეორე ტაიმის დასაწყისში, 46-ე წუთზე კრიშტიანუ რონალდუმ შორეული დარტყმით დუბლი შეასრულა და სხვაობა 4 ბურთამდე გაზარდა. მატჩის საბოლოო ანგარიში კი 61-ე წუთზე დაფიქსირდა, დუბლი შეასრულა ჟოაო ფელიქსმაც, პორტუგალიამ კი სომხეთი 0-5 დაამარცხა.
40 წლის რონალდუს პორტუგალიის ნაკრებში 140 გოლი დაუგროვდა, კარიერაში ჯამურად კი მის ანგარიშზე 942 გოლია.
მარტინესის გუნდი მორიგ შეხვედრას 9 სექტემბერს, უნგრეთის წინააღმდეგ გამართავს.
