ვიდეო: უიმბლდონის მოქმედი ჩემპიონი წინ მიიწევს

უიმბლდონის 1/16 ფინალურ ეტაპზე ტურნირის მოქმედი გამარჯვებული კარლოს ალკარასი ფრანსის ტიაფოს დაუპირისპირდა.

ესპანელმა ამერიკელი დაძაბულ ბრძოლაში, 5 სეტში დაამარცხა (5-7, 6-2, 4-6, 7-6, 6-2).

კარლოსმა ტიაფომდე ესტონელ მარკ ლაიალსა და ავსტრალიელ ალექსანდარ ვუკიჩს სძლია 3 სეტში.

მისი შემდეგი მეტოქე ამერიკელ ბრენდონ ნაკაშიმასა და ფრანგ უგო უმბერტს შორის გამარჯვებული იქნება.

უიმბლდონის 1/16 ფინალურ ეტაპზე ამერიკელმა ტომი პოლმა 3 სეტში დაამარცხა ყაზახი ალექსანდერ ბუბლიკი, ბულგარელმა გრიგორ დიმიტროვმა 3-0 სძლია ფრანგ გაელ მონფილსს, იტალიელმა იანიკ სინერმა კი ასევე სეტის წაუგებლად მოუგო სერბ მიომირ კეჩმანოვიჩს.

1/16 ფინალური შეხვედრები დღეს გაგრძელდება.

უიმბლდონი 14 ივლისამდე გაგრძელდება, გრანდ სლემის მოქმედი ჩემპიონი კარლოს ალკარასია, რომელმაც გასულ წელს ფინალში ნოვაკ ჯოკოვიჩი დაამარცხა.