VIDEO: მესი-სუარესის გოლები - ინტერ მაიამი ჩემპიონთა თასის შემდეგ ეტაპზეა

კონკაკაფის (ჩრდილო და ცენტრალური ამერიკა) ჩემპიონთა თასის 1/16 ფინალური ეტაპის განმეორებით მატჩში ინტერ მაიამიმ საკუთარ მოედანზე სპორტინგ კანზას სიტი მიიღო. 

პირველი შეხვედრა ხავიერ მასკერანოს გაწვრთნილმა გუნდმა ლეო მესის გოლით 0-1 მოიგო.

ამ შემთხვევაშიც თამაშში ანგარიში მე-19 წუთზე არგენტინელმა გახსნა, რომელსაც საგოლე გადაცემა ლუის სუარესმა გაუკეთა.

პირველი ტაიმის კომპენსირებულ დროში მასპინძლებმა კიდევ 2 გოლი გაიტანეს - ალენდემ და სუარესმა.

მატჩის მეორე ნახევარში კანზასელებმა პრესტიჟის გოლის გატანა შეძლეს, საბოლოოდ კი ინტერ მაიამიმ ორი მატჩის ჯამში 4-1 მოიგო და ჩემპიონთა თასის 1/8 ფინალში გავიდა, სადაც იამაიკურ კავალიერს დაუპირისპირდება.