ფერმინ ლოპესმა გავისთან კონფლიქტი უარყო.
პრესაში გავრცელდა ინფორმაცია, რომ ფეხბურთელებს ურთიერთობა შეყვარებულების კონფლიქტის გამო დაეძაბათ. იმდენად, რომ გავიმ ბარსას ხელმძღვანელობას ფერმინის ტრანსფერზე დაყენება სთხოვა.
„გავის 12 წლიდან ვემეგობრები. ერთმანეთს ჯერ კიდევ ბეტისის დროიდან ვიცნობთ. როგორც კი ბარსას აკადემიაში გადმოვედი, ის ჩემთვის ძმასავით გახდა. ერთად ბევრი რამ გადავიტანეთ.
ხალხი გარედან ბევრ სისულელეს თხზავს და ეს არ შეიცვლება, მაგრამ ჩვენ კვლავ ვმეგობრობთ. კარგი ურთიერთობა გვაქვს, ისევე, როგორც ყოველთვის.
ამ საკითხზე მეტი სათქმელი არაფერი მაქვს." - აღნიშნა ბარსას ნახევარმცველმა.
