ძიუდოში, ზემო ავსტრიის გრან პრიზე, -90 კგ. წონით კატეგორიაში ქართული ფინალი შედგა.
გადამწყვეტ ბრძოლაში ერთმანეთს ტატო გრიგალაშვილი და ლუკა ჯავახიშვილი დაუპირისპირდნენ, რომელიც გამოცდილი გრიგალაშვილის გამარჯვებით დასრულდა. შესაბამისად ტატოს ოქროს მედალი ერგო, ლუკას კი - ვერცხლის.
გრიგალაშვილმა საჩემპიონო გზაზე ბრიტანელი პიტგრეივი, ჩეხი კლამერტი, ესპანელი სანტამარია როდრიგესი და ბრაზილიელი რაფაელ მასედო დაამარცხა.
ლუკა ჯავახიშვილი კი ფინალში შემდეგ მეტოქეებთან მოგებით გავიდა: გერმანელი შრივერი, იტალიელი მინკინესი, ისრაელელი სივანი და ფრანგი მაქსიმ ნგაიაპ ჰამბუ.
საქართველომ ზემო ავსტრიის გრან პრიზე ასპარეზობა სწორედ ამ 2 მედლით დაასრულა და საერთო ჩათვლაში მე-5 ადგილზე გავიდა, რითაც იაპონიას, ბრაზილიას, აზერბაიჯანსა და უკრაინას ჩამორჩა.
