სიახლეები
სეტანტა
სპორტის გურუ
ქვიზები
-
Aa
+
ფონტის ზომა
გამთენიისას კოპა ამერიკაზე მე-2 ფინალისტი გაირკვა.
მეორე ნახევარფინალში ერთმანეთს ურუგვაისა და კოლუმბიის ნაკრებები დაუპირისპირდნენ და გამარჯვება კოლუმბიელებს მძიმე ბრძოლაში, 1:0 დარჩათ.
39-ე წუთზე ხამეს როდრიგესმა ამ ტურნირზე უკვე მე-6 საგოლე პასით ლერმას გაატანინა და ანგარიში გაიხსნა.
45+1 წუთზე მუნიოსმა მეორე ყვითელი ბარათი მიიღო და კოლუმბიას მთელი მეორე ტაიმის 10 კაცით გატარება მოუწია, თუმცა მიუხედავად ამისა, გუნდმა გაძლო და უპირატესობა შეინარჩუნა.
ამრიგად, კოლუმბია 23 წლის შემდეგ პირველად გავიდა კოპა ამერიკას ფინალში, სადაც 14 ივლისს ტურნირის მოქმედ ჩემპიონს არგენტინის ნაკრებს დაუპირისპირდება.
აქვე იმასაც გეტყვით, რომ თავისი ბოლო ფინალი 2001-ში კოლუმბიამ მექსიკას მოუგო. ჯამში, გუნდი ფინალში სულ მესამედ ითამაშებს - 1975-ში გუნდმა გადამწყვეტი მატჩი პერუსთან დათმო.
ნ
ნიკა შაქარაშვილი
კომენტარები