მოსკოვის დინამომ და ქართველმა ნახევარმცველმა ლუკა გაგნიძემ კონტრაქტის ურთიერთშეთანხმების საფუძველზე გაწყვეტის შესახებ შეთანხმებას მიაღწიეს.
,,ლუკამ ჩვენს კლუბთან გრძელვადიანი კონტრაქტი 2021 წლის ივლისში გააფორმა. ამ პერიოდის განმავლობაში მან დინამოს მაისურით 55 მატჩი ჩაატარა და 3 გოლი გაიტანა.
დინამოში ყოფნის პერიოდში გაგნიძემ 2023 და 2025 წლებში 21-წლამდელთა ევროპის ჩემპიონატებზე მიიღო მონაწილეობა, ასევე დებიუტი ჰქონდა საქართველოს ეროვნულ ნაკრებში.
მადლობას ვუხდით ლუკას ჩვენს კლუბში გატარებული პერიოდისთვის და წარმატებებს ვუსურვებთ კარიერის შემდგომ ეტაპზე!" - წერია რუსული კლუბის განცხადებაში.
გაგნიძე მოსკოვში 2021 წელს დინამო თბილისიდან გადავიდა, იჯარის წესით კი ეკატერინბურგის ურალში, პოლონურ რაკოვში, სამარას კრილია სოვეტოვსა და ესპანურ გრანააში ითამაშა.
23 წლის ნახევარმცველს საქართველოს ნაკრებში 4 მატჩი აქვს ჩატარებული. ჯერჯერობით უცნობია, სად გააგრძელებს კარიერას ლუკა გაგნიძე.
