აჭარაბეთმა საბა ლაზიშვილს პერფომანსის ბონუსი - 20 000 ლარი გადასცა!
საბა ლაზიშვილი 21 წლის თავისუფალი სტილით მოჭიდავე და UFC-ის ყოფილი მებრძოლის, ზვიად ლაზიშვილის უმცროსი ძმაა. ფართო საზოგადოებამ იგი მაშინ გაიცნო, როდესაც აბუ-დაბიში მერაბ დვალიშვილთან ერთად დაუპირისპირდა თავდამსხმელებს.
11 ნოემბერს აბუ-დაბიში, სასტუმროს შესასვლელთან უსმან ნურმაგომედოვი და მისი გარემოცვის წევრები მერაბ დვალიშვილსა და საბა ლაზიშვილს თავს დაესხნენ.
გავრცელებული ვიდეოკადრების მიხედვით, ნურმაგომედოვმა ქართველ მებრძოლს უკნიდან მიუახლოვდა და დაარტყა, რასაც ჯგუფური დაპირისპირება მოჰყვა.
აბუ-დაბის პოლიციამ ჩხუბში მონაწილე პირები და ინციდენტის გადამღები 2 ადამიანი დააკავა. დაკავებულთა შორის იყვნენ დვალიშვილი და ლაზიშვილიც, რომლებმაც იზოლატორში თითქმის 48 საათი გაატარეს.
სასამართლოს გადაწყვეტილებით, მერაბ დვალიშვილი და საბა ლაზიშვილი გათავისუფლდნენ და მათ 50 000 დირჰამის (დაახლოებით 13 615 დოლარის) გადახდა დაეკისრათ. ორგანიზაცია Real American Freestyle (RAF)-ის აღმასრულებელმა დირექტორმა ჩად ბრონშტეინმა მერაბის დაბრუნება ოფიციალურად დაადასტურა და ორგანიზაციამ ჯარიმის დაფარვა საკუთარ თავზე აიღო.
თავდასხმის ინიციატორ უსმან ნურმაგომედოვსა და მისი ჯგუფის წევრებს სასამართლომ 6-თვიანი პატიმრობა, ჯარიმა და ქვეყნიდან დეპორტაცია მიუსაჯა. გარდა ამისა, RAF-მა ნურმაგომედოვს შაბათს დაგეგმილ ღონისძიებაზე დასწრება აუკრძალა.
