ალეგრის მილანში ჩავი შეცვლის?

მილანში მასიმილიანო ალეგრი შესაძლოა ჩავიმ შეცვალოს.

Corriere dello Sport-ის ინფორმაციით, ბარსელონას ყოფილი მთავარი მწვრთნელის კანდიდატურას როსონერის მფლობელების მრჩეველი, ზლატან იბრაჰიმოვიჩი ლობირებს.

მილანის ხელმძღვანელობა გეგმავს დანიშნოს თანამედროვე მწვრთნელი შემტევი სათამაშო სტილით - მაგალითად კი სესკ ფაბრეგასის ხელმძღვანელობით მოასპარეზე კომო განიხილება.

ასევე, Sky Sports-ზე დაყრდნობით იტყობინებიან, რომ მილანი ანდონი ირაოლას კანდიდატურასაც განიხილავს, რომელმაც ბორნმუთი მიმდინარე სეზონის დასრულების შემდეგ დატოვა.

ჩავი 2024 წლის ზაფხულის შემდეგ უმუშევარია, როცა ბარსელონადან გაათავისუფლეს და მის ნაცვლად ჰანსი ფლიკი დანიშნეს.