ატლეტიკოს ვარსკვლავის, ხულიან ალვარესის წარმომადგენელი ფერნანდო იდალგო მედიაში გავრცელებულ ხმებს გამოეხმაურა, რომლებიც არგენტინელ თავდამსხმელს მადრიდის რეალში შესაძლო ტრანსფერს უკავშირებენ.
ჭორები მას შემდეგ გამწვავდა, რაც რეალის პრეზიდენტმა, ფლორენტინო პერესმა დააანონსა, რომ კლუბი უცნობი ვარსკვლავის სანაცვლოდ 150-მილიონიან ოფიციალურ წინადადებას ამზადებს, პრესამ კი ამ საიდუმლო სამიზნედ ალვარესი მიიჩნია.
იდალგომ 365Scores-თან ინტერვიუში კატეგორიულად უარყო ეს ჭორები:
ჩვენ ამ საკითხზე არანაირი ინფორმაცია არ გვაქვს და ამასთან დაკავშირებით არავინ დაგვკავშირებია.
მიუხედავად აგენტის განცხადებისა, ესპანური მედია აქტიურად აგრძელებს მსჯელობას იმაზე, თუ ვინ გახდება პერესის ახალი ერის მთავარი შენაძენი.
ამჟამად ხულიან ალვარესი არგენტინის ნაკრებთან ერთად მსოფლიო ჩემპიონატზე იმყოფება, სადაც ჯგუფურ ეტაპზე ისლანდიის ნაკრებს დაუპირისპირდება.
