მანჩესტერში მუშაობა პორტუგალიელისთვის ზედმეტად სტრესული გამოდგა.
A Bola-ს ინფორმაციით, რუბენ ამორიმი 2026-27 წლების სეზონში შესვენების აღებას გეგმავს.
პორტუგალიელი მწვრთნელი უმუშევარია მას შემდეგ, რაც იანვარში მანჩესტერ იუნაიტედიდან დაითხოვეს.
ნათქვამია, რომ არაერთი კლუბის, კერძოდ კი პრემიერ ლიგის გუნდების ინტერესის მიუხედავად, სპეციალისტს სურს მომავალი წელი საკუთარი უნარების განვითარებასა და ახალი ცოდნის მიღებას დაუთმოს. ამ პერიოდში ის აპირებს გამოცდილება გაუზიაროს სხვა მწვრთნელებს, რომლებსაც ორიენტირად მიიჩნევს და მათი მუშაობის მეთოდები საკუთარს შეადაროს.
ამასთან, ამორიმი გეგმების შეცვლას მხოლოდ უცხოეთიდან სერიოზული შეთავაზების შემთხვევაში უშვებს. პორტუგალიაში დაბრუნება არ განიხილება, ამორიმს მუშაობის გაგრძელება საზღვარგარეთ სურს.
არადა, პორტუგალიელ სპეციალისტს მთავარი მწვრთნელის თანამდებობაზე დანიშვნას ბენფიკა განიხილავდა, ჟოზე მოურინიოს წასვლის შემთხვევაში. ცნობისთვის, ამორიმს ფეხბურთელობის კარიერის ლომის წვლილი სწორედ „არწივებში" აქვს გატარებული.
