ანჩელოტი: "კლასიკოს მოსაგებად კარგი შეტევა და კარგი დაცვაა საჭირო, ჩვენ კი დღეს კარგად მხოლოდ ვუტევდით'

კარლო ანჩელოტიმ ბარსელონასთან წაგებული ელ კლასიკო (3:4) შეაფასა.

„კლასიკოს მოსაგებად კარგად შეტევა და კარგად დაცვაა საჭირო, ჩვენ კი დღეს კარგად მხოლოდ ვუტევდით, განსაკუთრებით მბაპე. დაცვაში კი უამრავი შეცდომა დავუშვით, რაც თამაშის წაგების ფასად დაგვიჯდა.

აშკარაა, რომ თავს ცუდად ვიცავდით, მაგრამ არ უნდა დავივიწყოთ, რომ დაცვის 5 ფეხბურთელი ტრავმების გამო გვაკლდა. ორი შესანიშნავი გუნდის დიდებული დაპირისპირება ვიხილეთ. ორჯერ შეგვეძლო ანგარიში 4:4 გაგვეხადა,  მაგრამ ეს ვერ გავაკეთეთ. 

განწყობის და მონდომების თვალსაზრისით დღეს გუნდის სასაყვედურო არაფერი მაქვს, ბოლომდე ვიბრძოლეთ.

ასეა თუ ისე, ლა ლიგაში დარჩენილი სამი მატჩის მოგებას შევეცდებით." - აღნიშნა ანჩელოტიმ.