იტალიელი სპორტული ჟურნალისტის ფაბრიციო რომანოს ინფორმაციით, მხარეებს შორის შეთანხმება შედგა და ჩაბი ალონსო კარიერას მადრიდის რეალში გააგრძელებს.
ესპანელი 3-წლიან კონტრაქტს გააფორმებს და სამეფო კლუბში მუშაობას ფიფას საკლუბო მსოფლიო ჩემპიონატიდან დაიწყებს.
რეალი კარლო ანჩელოტის ლა ლიგის ბოლო მატჩის შემდეგ დაემშვიდობება, გუნდში კი ახალი ერა დაიწყება.
ჩაბი ალონსო ლევერკუზენს უკვე ოფიციალურად დაემშვიდობა. მან გასულ სეზონში ბაიერს ისტორიაში პირველი ბუნდესლიგა მოაგებინა.
