კარლო ანჩელოტი მიიჩნევს, რომ ნეიმარი მსოფლიო ჩემპიონატის განაცხადში მოსახვედრად სოციალურ ქსელებსა და ფანებს იყენებს.
ბრაზილიის ნაკრების მთავარი მწვრთნელი, კარლო ანჩელოტი და მისი სამწვრთნელო შტაბის რამდენიმე წევრი ფიქრობენ, რომ ნეიმარი მედიასა და გულშემატკივრებს ნაკრებში ადგილის მოსაპოვებლად მანიპულირებისთვის იყენებს.
ანჩელოტი ყურადღებით აკვირდება ფეხბურთელს, თუმცა მას არ მოსწონს ის ფაქტი, რომ ნეიმარი ამ თემას ყველა მოსახერხებელ შემთხვევაში წევს, მედია კი ამ ნარატივს აქტიურად ავრცელებს.
იტალიელი სპეციალისტის ხედვა მკაფიოა: თუ ნეიმარი მსოფლიო ჩემპიონატზე წასვლას იმსახურებს, ის წავა. თუმცა, ეს მისი სპორტული ფორმის და დამსახურების გამო მოხდება და არა პოპულარობის ხარჯზე.
