კარლო ანჩელოტიმ მადრიდის რეალის სათავეში 350-ე მატჩი ჩაატარა.
საიუბილეო შეხვედრა ელ კლასიკოზე მოუწია, რომელშიც მისი გუნდი ბარსელონასთან ამ სეზონში მეოთხედ დამარცხდა (3:4).
ამ 350 შეხვედრაში რეალმა 247 გამარჯვება მოიპოვა, 53-ჯერ დამარცხდა და 50 შეხვედრა ფრედ დაასრულა.
რეალის სათავეში ჩატარებული მატჩების რაოდენობით ანჩელოტი მიგელ მუნიოსის (605 მატჩი) შემდეგ მეორე ადგილს იკავებს. ასევე, ის კლუბის ისტორიაში ყველაზე ტიტულოვანი მწვრთნელია, მას გუნდთან ერთად 15 ტიტული აქვს მოგებული და მუნიოსს 1-ით უსწრებს.
