ლეო მესის 2026 წლის მსოფლიო ჩემპიონატისთვის მზადების პერიოდში საუდის არაბეთში გადასვლა სურდა.
ამის შესახებ ფრანგული გამოცემა L'Equipe წერს.
„მესის გუნდი გასულ ზაფხულს, მსოფლიო საკლუბო ჩემპიონატის დროს დამიკავშირდა. მას ამერიკის ლიგაში ოთხთვიანი პაუზის დროს საუდის არაბეთში სურდა გადმოსვლა, რათა 2026 წლის მუნდიალისთვის უკეთ მომზადებულიყო.
იგივე შემთხვევა ჰქონდა დევიდ ბექჰემს, რომელიც ლოს ანჯელეს გალაქსიში თამაშისას, პაუზის დროს მილანში გადავიდა.
ეს შეთავაზება მინისტრს გადავეცი, რომელმაც მხოლოდ ოთხი თვით მესის მოსვლაზე უარი თქვა და ამით საკითხი დაიხურა.
მან თქვა, რომ საუდის არაბეთის ჩემპიონატი სავარჯიშო ბანაკი არავისთვის არ იქნება." - ციტირებს L'Equipe ერ-რიადის ტალანტების განვითარების აკადემია Mahd-ის გენერალური დირექტორის, აბდულა ჰამადის სიტყვებს.
