ხვიჩა კვარაცხელიამ მძიმე ტრავმის დადასტურების შემდეგ სოციალურ ქსელში განცხადება გაავრცელა.
შეგახსენებთ, რომ ქართველმა სუპერვარსკვლავმა ბარსელონასთან გუშინდელ მატჩში მუხლის ჯვარედინი მყესები გაიწყვიტა და ოპერაცია სჭირდება, რის გამოც მოედანს სეზონის ბოლომდე დაემშვიდობა.
კვარას ტექსტს უცვლელად გთავაზობთ:
„ამ დგომზე ბევრი მეკითხებოდა ბევრს უთქვამს კიდეც მსოფლიოში ყველა ფეხბურთელი რომ ლოცულობდეს თამაში ფრედ დამთავრდებოდაო. ეს შეიძლება სიმართლე ყოფილიყო მაგრამ მე ყოველი თამაშის წინ ღმერთს ვთხოვდი მოედანი ჯანმრთელად დამეტოვებინა, მაგრამ ამაოდ. დიდი დრო არ გასულა, მაგრამ თავში მიტრიალებს - რატომ მაინც და მაინც მე? არასდროს არაფერი დამიკლია ალბათ ამ თამაშისთვის საუკეთესოდ მოვემზადე რაც კი ოდესმე მოვმზადებულვარ. ყველაფრისთვის მეგონა მზად ვიყავი, მაგრამ ამისთვის არა და მაინც ვხვდები რომ ღმერთმა მე ამირჩია და თუ ამით მე სხვა მოედანზე მყოფი ფეხბურთელები დავიცავი, მზად ვარ ეს თვეები შრომაში, ტკივილში, ცრემლებში გავიარო. ვიცი რომ უფრო ძლიერი უნდა დავბრუნდე ჩემი ხალხისთვის, რომელიც ყოველთვის ჩემს გვერდშია, არ გიღალატებთ პირობას ვდებ წამს არ დავაკლებ. მადლობა ყველას მხარდაჭერისთვის მალე შევხვდებით."
უახლოეს დღეებში კვარაცხელიას მუხლზე ოპერაცია ჩაუტარდება, რის შემდეგაც სარეაბილიტაციო პერიოდს დაიწყებს.
