პორტუგალიის ნაკრების ვინგერმა, პედრუ ნეტუმ განაცხადა, რომ გუნდი კრიშტიანუ რონალდუს თამაშზე დამოკიდებული არ არის.
შეგახსენებთ, რომ მსოფლიო ჩემპიონატის პირველ ტურში, კონგოს დემოკრატიულ რესპუბლიკასთან ფრეს (1:1) შემდეგ, სადაც რონალდუ უგოლოდ დარჩა, უზბეკეთთან მატჩში (5:0) თავდამსხმელმა დუბლი შეასრულა:
„ვფიქრობ, კრიშტიანუ ჩვენთვის ძალიან მნიშვნელოვანია, თუმცა სიტყვა „დამოკიდებულება“ ზედმეტად ხმამაღალი ნათქვამია.
დიახ, ყველას კარგად გვესმის, რომ თუ ბურთს საჯარიმოში მივუტანთ, ძალიან დიდია ალბათობა იმისა, რომ ის გოლს გაიტანს. თუმცა, რა თქმა უნდა, ჩვენ საგოლე მომენტებს მოედანზე მყოფი აბსოლუტურად ყველა ფეხბურთელისთვის ვქმნით. სწორედ ამაზე ვმუშაობთ ვარჯიშებზე.
ჩვენ გვაქვს თამაშის ჩვენი სქემები და ჩვენი სტილი. არ ვთვლი, რომ კრიშტიანუზე ვართ დამოკიდებულები, თუმცა, რა თქმა უნდა, მის მიმართ უდიდესი ნდობა გვაქვს“, - აღნიშნა პედრუ ნეტუმ.
