იაპონიის ნაკრების მთავარმა მწვრთნელმა, ჰაძიმე მორიასუმ, 29 ივნისს გასამართ მსოფლიო ჩემპიონატის 1/16-ფინალურ მატჩზე ისაუბრა, სადაც მისი გუნდი ბრაზილიას დაუპირისპირდება.
„ბრაზილიის წინააღმდეგ კიდევ ერთხელ თამაში ძალიან კარგი გამოცდილება იქნება. გვჯერა, რომ შანსი გვაქვს და შეგვიძლია შემდეგ ეტაპზე გასვლა. ამისთვის აქტიურად მოვემზადებით.
2025 წლის ოქტომბერში, იაპონიაში ამხანაგური მატჩი ჩავატარეთ და ისინი 3:2 დავამარცხეთ. შესაძლოა, სწორედ ამის გამო ახლა კიდევ უფრო მოტივირებულები იყვნენ. ჩვენ კი კიდევ ერთი შანსი გვეძლევა და ამ შეხვედრას მოუთმენლად ველით.
ადრე ბრაზილიისთვის იაპონია იოლი მეტოქე იყო. თუმცა, ბოლო თამაშში დავამტკიცეთ, რომ ეს ასე აღარ არის. ეს ჩვენთვის წინ გადადგმული დიდი ნაბიჯი იყო, რადგან ბრაზილია მსოფლიოში ერთ-ერთი საუკეთესო გუნდია.
ფეხბურთში არასოდეს იცი, რა მოხდება, მაგრამ ჩვენ გამარჯვების იმედი გვაქვს. ბევრ ბრაზილიელს უმუშავია იაპონიაში და მათი ძალიან მადლობლები ვართ. დარწმუნებული ვარ, ეს ადამიანებიც ბედნიერები არიან იმის ნახვით, თუ რამდენად შორს წავედით და როგორ განვვითარდით“, - განაცხადა მორიასუმ.
