გიორგი ქოჩორაშვილმა სოციალურ ქსელში პოსტი გამოაქვეყნა.
"დასრულდა 3-დღიანი საფეხბურთო ფორუმი "Mind Game, ფეხბურთი გონების თამაში".
როცა ამ პროექტზე ფიქრი დავიწყე, მსურდა საკუთარ გამოცდილებაზე მესაუბრა, თუ რა იყო ის, რაც სპორტსმენს ეხმარება გახდეს უკეთესი, როგორც მის საქმეში, ასევე საქმის გარეთ.
არ ვაპირებთ ეს ერთჯერადი იყოს და მომავალშიც მსგავსი საფეხბურთო ფორუმებით კვლავ წარვსდგებით საქართველოში. ჩემთვის, როგორც მოქმედი სპორტსმენისთვის არაფერია იმაზე უკეთესი, ვიდრე საკუთარი რესურსებით ცოდნის გაზიარება.
მადლობა ყველას, ვინც ამ ფორუმზე წარსდგა, მადლობა ყველას, ვინც ფორუმს დაესწრო, გამოხატა ინტერესი და გამოთქვა სურვილი, მომავალშიც იყოს ამ ყველაფრის ნაწილი.
მინდა გამოვარჩიო, რომ გახარებული ვარ განსაკუთრებულად, ფორუმზე ბევრი მწვრთნელის და ქალ ფეხბურთელთა ხილვით. კიდევ შევხვდებით." - წერს ქოჩორაშვილი.
გიორგი ქოჩორაშვილისა და OT Sportmanagement-ის ორგანიზებულ ფორუმზე ქართველმა და უცხოელმა სპიკერებმა ისაუბრეს ყველა იმ საფეხბურთო თემაზე, რომელიც მნიშვნელოვანია დამწყები და პროფესიონალი ფეხბურთელის სრულყოფილი განვითარებისთვის.
