არგენტინის ფეხბურთის ასოციაციამ, კონმებოლის პოზიციის მიუხედავად, ფიფას პრეზიდენტ ჯანი ინფანტინოს საჯაროდ გამოუცხადა მხარდაჭერა.
AFA-ს განცხადებაში ხაზგასმულია ბოლო ათი წლის განმავლობაში ფიფას მიერ განხორციელებული რეფორმები, გამჭვირვალე მმართველობა და გლობალური ფეხბურთის განვითარება. არგენტინული მხარე ასევე მიესალმა ფიფას გადაწყვეტილებას, გაეუქმებინა საკამათო კომერციული პროექტი და დადებითად შეაფასა ინფანტინოს მზაობა, აღიარებინა დაშვებული შეცდომები.
აღსანიშნავია, რომ ეს ნაბიჯი კონმებოლის ერთსულოვანი განცხადებიდან სულ რამდენიმე საათში გაკეთდა, სადაც სამხრეთ ამერიკულმა სტრუქტურამ ფიფას ერთპიროვნული ნაბიჯების გამო შეშფოთება გამოთქვა.
მიუხედავად ამისა, არგენტინის ფედერაციამ აღნიშნა, რომ მომავალი კონგრესის წინ სწორედ ინფანტინოს ლიდერობით მუშაობა მიაჩნია სწორ გზად.
