აკაკი ბასარიამ, ჩეხეთში მიმდინარე კრივის 19-წლამდე ევროპის ჩემპიონატზე, 1/2 ფინალის საგზური მოიპოვა.
70 კგ. წონით კატეგორიაში, ბასარიამ უნგრელ რობერტ ბუზას მოუგო. ქართველ მოკრივეს, სულ მცირე, ბრინჯაოს მედალი აქვს განაღდებული. ჩვენი ნაკრებისთვის ეს უკვე მე-3 მედალია - ასევე 1/2 ფინალში არიან ელნურ აბდულაევი (75 კგ.) და ლუკა ჩხიკვაძე (60 კგ.).
ხვალ ქართველთაგან რინგზე კიდევ 3 მოკრივე გამოვა - ზუკა ჭოჭუა (65 კგ.), ანა ხვედელიძე (65 კგ.) და დავით მხეცაძე (80 კგ.). სამივე მათგანი 1/2 ფინალის საგზურისთვის იჩხუბებს.
შეჯიბრება ქალაქ ოსტრავაში მიმდინარეობს და 9 ოქტომბრამდე გაგრძელდება.
