ჩეხეთის ქალაქ ოსტრავაში, 19-წლამდე მოკრივეთა შორის, ევროპის ჩემპიონატი გადამწყვეტ ფაზაში შედის. ოქროს მედლისთვის ბრძოლას 5 ქართველი აგრძელებს.
ტურნირზე დღეს 1/2 ფინალური ბრძოლები გაიმართება და მათში მონაწილეობას 2 ქართველი მიიღებს - ლუკა ჩხიკვაძე (60 კგ.) და აკაკი ბასარია (70 კგ.).
ხვალ გავლენ რინგზე დავით მხეცაძე (80 კგ.), ელნურ აბდულაევი (75 კგ.) და ზუკა ჭოჭუა (65 კგ.).
საქართველოს ნაკრებს მიმდინარე ტურნირზე 5 მედალი განაღდებული აქვს, დარჩენილი ბრძოლები გაარკვევს, ჩვენი მოკრივეები რა სინჯის მედლებს მოიპოვებენ.
