"აშკარა პენალტი იყო" - კონატე საკამათო ეპიზოდზე

ლივერპულის მცველმა, იბრაჰიმა კონატემ, პსჟ-სთან განმეორებითი მატჩისას, დანიშნულ და შემდეგ გაუქმებული პენალტის ეპიზოდის შესახებ კომენტარი გააკეთა.

"გასულ სეზონში ჩვენს კარში ასეთი პენალტი დაინიშნა. ჩემთვის ეს აშკარა პენალტია, მსაჯის უკან ვიდექი და ყველაფერს კარგად ვხედავდი. თუმცა, მან გადაწყვეტილება შეცვალა, პენალტი არ დაინიშნა და ჩვენ ამას შევეგუეთ. 

თუკი პენალტი დაინიშნებოდა და გავიტანდით, სულ სხვაგვარი სცენარი იქნებოდა", - ამბობს მერსისაიდელთა ფრანგი ცენტრალური მცველი.

აღნიშნული ეპიზოდი 0:0-ზე იყო, როცა პსჟ ორი მატჩის ჯამში ჯერ კიდევ 2:0-ს იგებდა. საბოლოოდ, პარიზელებმა ამის შემდეგ 2 გოლი გაიტანეს და ლივერს ჯამში 4:0 აჯობეს.

ზედიზედ მეორე სეზონია, არნე სლოტის გუნდი ჩემპიონთა ლიგას პსჟ-სთან დაპირისპირების შემდეგ ემშვიდობება.