მიუნხენის ბაიერნი ახლოს არის აინტრახტ ფრანკფურტის მარცხენა მცველის, ნათანიელ ბრაუნის ტრანსფერთან, რომლის შეძენითაც აქტიურად ინტერესდებოდნენ ინგლისური გრანდები მანჩესტერ იუნაიტედი და არსენალი.
22 წლის გერმანელი ფეხბურთელი, რომელსაც ეროვნულ ნაკრებში 4 მატჩი აქვს ჩატარებული, უკვე შეუთანხმდა ბუნდესლიგის ჩემპიონებს პირადი კონტრაქტის დეტალებზე, თუმცა კლუბები სატრანსფერო თანხაზე ჯერ კიდევ აწარმოებენ მოლაპარაკებებს. Sky Germany-ის ინფორმაციით, ფრანკფურტელები მცველის სანაცვლოდ 60 მილიონ ევროს ითხოვენ, რაც ამ ეტაპზე შეთანხმების მთავარი შემაფერხებელი ფაქტორია.
ბრაუნმა ფანტასტიკური შიდა სეზონი ჩაატარა. იგი 2025/26 წლების ბუნდესლიგაში საუკეთესო იყო მოგებული ორთაბრძოლების მაჩვენებლით, რასაც 4 გოლი და 4 საგოლე გადაცემაც მიაყოლა. ასეთი სტაბილური თამაშის წყალობით, იულიან ნაგელსმანმა ახალგაზრდა მცველი ამ ზაფხულს გასამართი მსოფლიო ჩემპიონატის განაცხადშიც შეიყვანა.
რაც შეეხება მის სხვა მსურველებს, მანჩესტერ იუნაიტედი, რომელიც ლუკ შოუსთვის კონკურენტის ძიებაში ბრაუნს აკვირდებოდა, ახლა ალტერნატიულ ვარიანტზე გადაერთო და ნიუკასლიდან ლიუის ჰოლის ტრანსფერს განიხილავს.
