მიუნხენის ბაიერნის მთავარმა მწვრთნელმა, კომპანიმ, კლუბის ერთ-ერთი ყველაზე ნიჭიერი ახალგაზრდა ფეხბურთელი, არიონ იბრაჰიმოვიჩი ახალი კონტრაქტის გაფორმებაზე დაითანხმა.
ბელგიელი სპეციალისტი პირადად ჩაერია მოლაპარაკებებში, პირისპირ შეხვედრაზე 20 წლის შემტევს გუნდის მომავალ გეგმებში მისი როლი დეტალურად გაუწერა და სხვა ევროპულ კლუბებში გადასვლაზე უარი ათქმევინა.
Sport Bild-ის ინფორმაციით, იბრაჰიმოვიჩი ბაიერნთან კონტრაქტს 2028 წლამდე გაახანგრძლივებს. ფეხბურთელი მიუნხენურ გრანდს 2018 წელს, 12 წლის ასაკში შეუერთდა, პირველი გუნდის შემადგენლობაში კი მისი დებიუტი 17 წლის ასაკში შედგა. სათამაშო პრაქტიკის მისაღებად ის იჯარით ფროზინონეში, ლაციოსა და ჰაიდენჰაიმში თამაშობდა, სადაც გასულ სეზონში ბუნდესლიგის 32 მატჩში 2 გოლი და 4 ასისტი მიითვალა.
კომპანი მიიჩნევს, რომ ახალგაზრდა ფეხბურთელი უკვე მზად არის ბაიერნის პირველ გუნდში სერიოზული როლის მოსარგებად.
