კატალონიის ბარსელონას ადმინისტრაციაში მოულოდნელი საკადრო ცვლილება განხორციელდა.
კლუბის გენერალურმა მენეჯერმა და აღმასრულებელმა დირექტორმა, მანელ დელრიომ, დაკავებული თანამდებობა დატოვა.
დელრიო ბარსელონას სტრუქტურაში 2022 წლიდან მუშაობდა, ხოლო გენერალური მენეჯერის პოსტზე სულ რაღაც ერთი წელი დაყო. გავრცელებული ინფორმაციით, გადაწყვეტილება მხარეთა ორმხრივი შეთანხმების საფუძველზე, ყოველგვარი დავის გარეშე მიიღეს.
კატალონიური კლუბის ხელმძღვანელობა უკვე აქტიურად ეძებს ახალ კანდიდატებს. პარალელურად, ფინანსური საკითხების მართვას სერხიო სერანო გადაიბარებს, ხოლო კლუბში შიდა კადრების დაწინაურებაც განიხილება.
