მაია ბოჭოიძისა და ცოტნე ჩხაიძის წყვილი, ახალგაზრდებს შორის, ბატუტზე ხტომაში ევროპის ჩემპიონი გახდა.
პორტუგალიის ქალაქ პორტიმაოში მიმდინარე ბატუტზე ხტომის ევროპის ჩემპიონატზე, ბოჭოიძე-ჩხაიძემ ბატუტზე ხტომაში 47.900 ქულა დააგროვა და ევროპის ჩემპიონობა იზეიმა.
საქართველოს ახალგაზრდულმა ნაკრებმა ევროპის ჩემპიონატზე ასპარეზობა სამი მედლით დაასრულა - ნინო ქორიძემ ბრინჯაოს მედალი მოიპოვა, ხოლო გოგონათა ნაკრები ვერცხლის მედალს დაეუფლა და ევროპის ვიცე-ჩემპიონი გახდა.
