ბექა ბურჯანაძის ახალი კლუბი! - სად გადავიდა ქართველი?

საქართველოს ეროვნული ნაკრების ფორვარდი ბექა ბურჯანაძე კარიერას ესპანურ კლუბ კახა 87-ში გააგრძელებს.

ესპანეთის რანგით მეორე ლიგის წარმომადგენელმა ქართველი კალათბურთელის ტრანსფერი ოფიციალურად დაადასტურა.

აღსანიშნავია, რომ ეს გადაწყვეტილება ბურჯანაძისთვის განსაკუთრებით ემოციურია, რადგან კახა 87 (იგივე კახასოლი) ზუსტად ის გუნდია, სადაც მისი პროფესიული საკალათბურთო კარიერა 2011-2014 წლებში დაიწყო.

სევილიური კლუბის მაისურით თამაშის შემდეგ, ის გუნდში დიდი გამოცდილებითა და ლიდერის სტატუსით ბრუნდება.

შეგახსენებთ, რომ ბექა ბურჯანაძემ ზაფხულის შეკრებების დროს მიღებული ტრავმის გამო საქართველოს ნაკრების შემადგენლობაში აგვისტოსა და სექტემბრის ოფიციალური მატჩები გამოტოვა.

გასული თვეების განმავლობაში ის აქტიურად ცდილობდა ფორმის აღდგენას. კლუბის ოფიციალურ წერილში კალათბურთელმა განაცხადა: „მე დავბრუნდი“.