საქართველოს კალათბურთის ეროვნული ფედერაციის პრეზიდენტს, ვიქტორ სანიკიძეს, ჩემპიონთა ლიგის (BCL) საშეჯიბრო კომიტეტის ხელმძღვანელის პოსტზე უფლებამოსილების ვადა გაუხანგრძლივეს.
ჩემპიონთა ლიგის სათავო ოფისიდან გაგზავნილ ოფიციალურ წერილში დირექტორთა საბჭოს თავმჯდომარე მარკუს შტუდერმა და გენერალურმა დირექტორმა პატრიკ კომნინოსმა მას ნდობა კვლავ გამოუცხადეს და საპასუხისმგებლო თანამდებობაზე ხელახლა დამტკიცება მიულოცეს.
ვიქტორ სანიკიძე აღნიშნულ პოზიციაზე პირველად გასული წლის ოქტომბერში დაინიშნა. ერთი წლის განმავლობაში გაწეული წარმატებული საქმიანობის შედეგად, FIBA-სა და BCL-ის ხელმძღვანელობამ უფლებამოსილების ვადის გაგრძელების გადაწყვეტილება მიიღო.
კომიტეტი ტურნირის ფორმატს, მონაწილეთა სიას, კალენდარსა და სტრატეგიულ რეკომენდაციებს შეიმუშავებს. აღსანიშნავია, რომ სანიკიძე ასევე წლებია FIBA-ს ევროპის საშეჯიბრო კომიტეტის წევრიც გახლავთ.
