ურუგვაის ნაკრები მსოფლიო ჩემპიონატს გამოეთიშა - მარსელო ბიელსას გუნდი ჯგუფური ეტაპის ბოლო მატჩში ესპანეთთან 0:1 დამარცხდა, 3 თამაშში მხოლოდ 2 ქულა დააგროვა და ტურნირი ნაადრევად დატოვა.
მატჩის შემდეგ არგენტინელმა სპეციალისტმა საკუთარ თავზე სრული პასუხისმგებლობა აიღო და ნაკრებში გატარებული 3 წელი მკაცრად შეაფასა.
ურუგვაის ფეხბურთს არაფერს ვუტოვებ. მწვრთნელის ნებისმიერი წვლილი აზრს კარგავს, თუ შედეგი არ გაქვს. საკვალიფიკაციო ეტაპზე მეოთხე ადგილიც და კოპა ამერიკაზე მესამე ადგილიც სრულიად უსარგებლო აღმოჩნდა. ამ მუნდიალზე 7 ქულის აღებას ვგეგმავდით და მხოლოდ 2 მივიღეთ. მიუხედავად შრომისა და მონდომებისა, მე მარცხი განვიცადე
ბიელსამ პრესკონფერენციაზე მეკარის საკითხზეც ისაუბრა და განმარტა, რატომ ენდობოდა ვეტერან ფერნანდო მუსლერას, რომელმაც მანამდე არაერთი შეცდომა დაუშვა. მწვრთნელის თქმით, ეს გააზრებული ნაბიჯი იყო მისი გამოცდილების გამო, თუმცა ესპანეთთან მატჩის შესვენებაზე მუსლერამ თავადვე ითხოვა შეცვლა და მოედანზე სერხიო როშეტი შევიდა. მუნდიალიდან გამოვარდნის შემდეგ ბიელსას მომავალი ურუგვაის ნაკრებში კითხვის ნიშნის ქვეშ დგას.
