ბილიარდის სახეობა პულში, გოგონებს შორის, საქართველოს ჩემპიონი თამარ ჯღარკავა გახდა.
საქართველოს მრავალგზის ჩემპიონმა ფინალურ შეხვედრაში მოუგო ნინი გოგლიძეს, რომელიც ტურნირის აღნიშნულ ეტაპამდე პირველად გავიდა.
ასევე, გამოვლინდნენ გათამაშების მე-3 ადგილოსნები - ბრინჯაოს მედალი მარიამ მურადაშვილმა და ანა კიზირიამ მოიპოვეს.
ჩემპიონატი საქართველოს ბილიარდის ფედერაციის ორგანიზებითა და სპორტის სამინისტროს მხარდაჭერით გაიმართა. ტურნირის მხარდამჭერი იყო ასევე სპორტის, ტურიზმისა და ახალგაზრდობის საერთაშორისო ფონდი, რომელმაც გამარჯვებული ფულადი პრიზით დააჯილდოვა.
