VIDEO: უგოლო ფრე გორში - დინამომ მეორე ადგილი დაკარგა
19 წთ წინ · 0 წთ წასაკითხად
-
Aa
+
ფონტის ზომა
ეროვნული ლიგის მე-14 ტურში, დილა გორმა დინამო თბილისს უმასპინძლა და 0:0 ითამაშა.
დედაქალაქელები უპირატესობას ფლობდნენ, მომენტებიც შექმნეს, თუმცა მატჩის ერთ-ერთი მთავარი გმირი იყო შიდა ქართლელთა მეკარე, დავით კერესელიძე, რომელმაც 6 სეივი შეასრულა.
თემურ ქეცბაიას ხელმძღვანელობით, დინამოელებმა მე-6 თამაში ჩაატარეს და კვლავ დაუმარცხებლები არიან - 4 მოგება, 2 ფრე.
ვერმოგების შედეგად, დინამომ მეორე ადგილი ტორპედო ქუთაისს დაუთმო და ლიდერ იბერიას ახლა 5 ქულით ჩამორჩება. მომდევნო ტურში, 24 მაისს, სწორედ ტორპედოს უმასპინძლებენ.
დილას ბოლო დროს ცუდი შედეგები აქვს, ბოლო 5 ტურში 4 ქულა მოიპოვეს და, 20 ქულით, სატურნირო ცხრილის მე-5 ადგილზე არიან - სამეულთან სხვაობა 3 ქულაა, ხოლო ლიდერ იბერიასთან - 7. მომდევნო ტურში, 24 მაისს, ბოლოსწინა ადგილზე მყოფ გაგრას ესტუმრებიან.
