რა შემადგენლობით აპირებენ ბელგიელები იბერიას წინააღმდეგ თამაშს?

უეფა-ს კონფერენს ლიგის ძირითადი ეტაპის სადებიუტო შეხვედრამდე, ბელგიურმა გამოცემა Het Belang van Limburg-მა სენტ-ტრუიდენისა და თბილისის იბერია 1999-ის დაპირისპირების ახალი დეტალები გაასაჯაროვა.

გუშინ, თამაშის წინა პრესკონფერენციაზე ჟურნალისტების შეკითხვებს იბერიას გამოცდილმა ცენტრალურმა მცველმა ვაჰიდ სელიმოვიჩმაც უპასუხა.

ლუქსემბურგის ნაკრების ფეხბურთელმა აღნიშნა, რომ მეტოქე გუნდის შემადგენლობას დეტალურად არ იცნობს:

ბელგიური კლუბების წინააღმდეგ ამხანაგური შეხვედრები ჩამიტარებია, თუმცა ევროთასებზე ოფიციალური მატჩი არ მქონია. ეს იბერიასთვის უნიკალური შანსია, რომ საკუთარი შესაძლებლობები ევროპას უჩვენოს. სენტ-ტრუიდენის ფეხბურთელებს არ ვიცნობ, მხოლოდ ბელგიის ეროვნული ნაკრების მოთამაშეები ვიცი, რომელთა წინააღმდეგაც ევრო 2024-ის წინ, ბრიუსელში ამხანაგურ მატჩში ვითამაშე.

ასევე, ბელგიურმა გამოცემა Het Belang van Limburg-მა მასპინძელთა სავარაუდო შემადგენლობა გამოაქვეყნა:

სენტ-ტრუიდენი (4-2-3-1): კოკუბო; ვანვესემაელი, ტანიგუჩი, მუსლიუ, პუპე; სისაკო, იშივატარი; მბუკუ, მერლენი, სებაუი; ბაზდარი.